الأختبارات أيام الثانوية كانت لها متعة خاصة عندي خاصةً بعد الأختبار تقابل اصدقاءك وتروح اقرب فوال واحلى فطووووووور يحبه قلبك يجيك الأفغاني معه صحن فول بيده اليمين وصحن عدس بيده اليسار والخبز تلقاه حاطه تحت ابطه اللي يمين وتحت ابطه اليسار حاط جرجير وبرادة شاهي حاطه فوق راسة تقول افريقي يشحذ عند الحرم ماعلينا المهم عندنا السواليف والجمعه الحلوة وبعد الفطور تلقى كل واحد يقط من ريالين تقول مجموعة باكستانية ونطلع بعدها احلى تمشيه بشوارع الرياض مانرجع بيتنا ألا بعد الظهر وكل واحد مستقبلينه أهله بأاحلى كلمات السب والقذف العلني علشان التأخير والعذر موجود في كل مخبى واحد فينا الأختبار صعب ونطول في حل الأسئلة علشان مانرسب ولكن ياليت العذر يلقى واحد يستقبله ويقول مصدقينك يالدكتور واليوم الثاني نتقابل قبل الأختبار كل واحد فينا باين علامات التعذيب الأسري على وجهه بسبب الأعذار البايخه اللي ماعاد تمشي على الأهل وفي الأخير احلى تلقاك راسب في كم ماده وملعن خيرك في البيت لين عضيت السجادة من الطق راحت الدنيا وتغيرت ولكن اتذكر هذي المواقف لمن اشتري فطور وقت الأختبارات وتلقى الطلاب نفس ماكنا نفعله يفعلونه اقول في خاطري اهم شئ مايجيب العيد في الأختبار ويأخذ احلى علقه بحياته ويحرم يفطر بعد الأختبارات
موضوع: ايام اختبارات الثانوية 
