السلام عليكم ومساء اوصباح الخير لكل حوائيه تدخل موضوعي
أعذورني اني كتبت بالعامي ياحلوات لقيت نفسي فاضيه وزوجي مسافر
قلت أكتب قصتنا بالعام الماضي رغم اني ماكنت أفكر أكتبها
بس الحج ذكرني فيها غصب رغم اني مانسيتها
في العام الماضي كنا ناوين الحج زوجي وأناوأخت زوجي .....
زوجي شغله مع الحجاج وكان بمكه كلمني وقلي بجي يوم سبعه ونمشي مكه.....
وصل زوجي الحمدالله بالسلامه أذا مني ناسيه الظهر يوم7/12 الثلاثاء كنت عند أهلي مرني ورحنا البيت ع أساس نمشي بالليل ليلة الأربعاء........المغرب رحنا لبيت عمي اللي بنفس الوقت يكونوا أهل زوجي وصار بالصدفه عندهم عشاء جلسنا وتعشيناوبعد العشاء سلمت على عمتي وبنات عمي وسلفاتي كلهم وودعتهم وطلبت السماح منهم لوكنت اخطيت بدون ماأقصد ع أحد(احنا الحمدالله علاقتنا مع بعض زينه وقبل مانكون سلفات نكون بنات عم)......
ومشينا من عندهم مدري ليه كان يساورني أحساس غريب بس ماأهتميت له في ذيك اللحظه...قلي زوجي انا بنام للساعه أربع الفجر ونمشي أن شاءالله طبعا جاي من سفر وتأخرنا بالعشاء فأكيد بيحس بالتعب ........
جينا البيت وهذا أحنا بنام ألا الأخ المزيون ولدي ماعنده نوم وحسيته مومرتاح كان توه مكمل السنه يوم1/12
يمكن الساعه كانت ع 11ونص 12 موفاكره أحاول فيه ينام موراضي وبس يطالع فيني أخذه بحضني ويجلس بيده يمسك خصل من شعري ومره يمسك سلسلتي طبعآمو شي غريب انه طفل يلعب بشعر أمه أوحاجه لابستها......موكذا ياحوائيات......الغريب انه ولدي يمسكها وعينه بوجهي ماينزلها ولايحاول يسحب شعري او يقطع السلسله مثل مايعملوا الأطفال,,,انا أستغربت وأقسم بالله نغزني قلبي وكأنه يقول ياماما لاتتركيني وكنت أقول بنفسي كانه حاس اني بسافر واتركه....لكن الحاله بدت تزيد عنده قلق مومرتاح ومره يبكي ومره يسكت جات الساعه وحده وانا خلاص تعبانه ابي انام ووراي سفر وولدي موراضي يريحني وينام....شوي والاالمزيون ينام بحضني قلت الحمدالله بقدر انام ساعتين ع الاقل.....مجرد مانزلته من حضني الاالولد يصحى وكانه مرقوص أعوذبالله وهاتك ياصياح..أخذه بحضني اضمه لصدري ويهدئ وعينه علي ماينزلهامني .....وربي حسسني انه بيفقدني ونزلت دموعي بدون ماأحس خلاص انجنيت ماني عارفه ولدي أشفيه؟؟؟وأنا وراي سفر ولانمت...أخذت جوالي ودقيت ع بنت عمي اللي هي أخت زوجي وبتروح معنا أعطيتها رنه وفصلت خفت تكون نايمه وأصحيها الأشوي تدق ع تليفون البيت....قالت خير وشفيك مانمتي وساعتها ولدي كان يصيح وقالتلي أشفيه ولدك ليه يصيح وربي يابنات بدون لاأحس قلتلها أحنا بيصير لنا شي وبتشوفين ......قالت فال الله ولافالك وشفيك وش صاير وليه تقولين هالكلام ؟؟؟؟؟
حكيتها عن ولدي وجلست تقولي هذا كله من الشيطان يبغى يحبط عزيمتك وفرحتك بالحج,,,,, قفلنا واستمرينا أنا وولدي ع هالمنوال ألين جات الساعه أربعه صحيت زوجي وموراضي يصحى أخر شي قالي خلاص نمشي بعد الفجر بنام....قلت أوكيه وأنا وربي مومرتاحه.......
أذن الفجر صحيت زوجي ....تجهزت ولبست ولبست ولدي لاني بوديه عند أمي...صلينا الفجر ومشينا مريت أهلي لقيت أبوي حبيبي صاحي وبالحوش سلمت عليه وطلعت لأمي اعطيتها ولدي ولأول مرررررررررره ولدي يبكي مع أمي وموراضي يجلس معها ويطالع فيني بصراحه مدري وش أقول ساعتها قلبي يتقطع عليه بس شسوي....ودعت أمي وانا عيني لولدي وأمي تقولي خلاص أنزلي لاتخافين عليه......
مشيناللميقات أحرمنا ومشينا.....دقيت ع امي أتطمن قالتلي نام بعد جهد جهيد وبعدماشبع من الصياح...
أنا رجعت للمقعده الخلفيه بالسياره ونمت وزوجي وأخته يسولفون.....نمت يمكن ساعه وصحيت... ...وااااااااااااااو يابنات لقيت الجو مغيم ومطر وكل ماقطعنا مسافه يزيد المطر أستمعتنا صراحه مع بكرية الصبح وسفر والجو يهبل.....ولقينا سيول بطريقنا.... وأقوى سيل شفته بكبري وادي قديد..... وقبل مانوصل مكه بأقل من 100ك لقينا الطريق زحمه أستغربنا والسيارات واقفه وبعضها عاكسه الخط وراجعه؟؟؟؟؟؟؟؟؟ كملنا الطريق بنشوف وش السالفه لقينا أمن الطرق مقفل الطريق وعارضين سيارتهم بنص الخط حتى محد يتعدى!!!!!!! طيب ليش؟؟؟؟؟؟؟؟؟ قالوا السيل طامر الكبري(يعني السيل مغطي الكبري وماشي)ومحد بيتعدى لانه خطير وبتجرف السيارات,,,, يالله وش نسوي ووش الحل وأحنا ماندري متى راح يسمحوا ويفكو الطريق,,,,
دق عمي علينا وعرف باللي صار قال مافيه حل الاانكم ترجعوا مع كبري عسفان وع جده ومن جده لمكه.... وفعلا رجعنا لعسفان وع جده واغلب الناس رجعوا من نفس الطريق لأنه بعضهم حجاج...
وصلنا جده ع الساعه تسعه ونص عشره حولها.....وكان الجومغيم وجده عليها أمطار.......
واحنا بطريقنا وبأمان الله طبعا بطريقنا نمر ع جامعة الملك عبدالعزيز وأكيد بنات جده عارفينه......... هناك؟؟؟؟لقينا الخط واقف وننتظر وياليل مطولك وش القصه ماندري؟
والناس بدت تمل وتنزل من سياراتها...واللي يطلع فوق السياره يبي يعرف وش القصه ولاهوشايف شي الازحمة السيارات والخط واقف ..
الايأذن الظهر وأحنا واقفين بنفس المكان ومافيه امل انه السيارات تلقالها مخرج......
وأشوف الرجال متجمهرين ع جهة الخط الثاني وطبعا زوجي نازل معهم.....
وياربي وش صاير؟؟؟؟وش فيه؟؟ يارب سترك؟؟؟ <<<<كلامي أنا وبنت عمي بالسياره والانتظار ذبحنا,,,, شوي الايمر واحد من اهل جده عرفت من كلامه ويقول,,نزلوا الحريم والعوائل من السيارات.......
يالله أش تتوقعوا كان شعورنا وأحنا نسمع هالكلام؟؟؟؟؟ بجد حسينا بالخطر وأنا أقول لبنت عمي موقلتلك بيصير لنا شي وموقلتلك ؟؟
وهي المسكينه انفجعت أكثر مني ياقلبي عليها وجاء زوجي وقالوا أنزلوا بسرعه....سيل قوي جاي علينا وساحب السيارات بالجهه الثانيه.......
نزلنا مجرد حطينا رجولنا ع الارض الا المويا تسابقنا وماشيه من تحتنا.........
ياالله يابنات ماتتخيلوا الموقف.......
مشينا مع الناس اللي ماشيه زوجي كانت معه شنطه فيها أغراصنا للحج طبعا مهي كبيره سبحان كان منبه علينا ماناخذ عفش كثير للحج حتى يخف الحمل عليه بالشيل هناك بمكه.....
وأحناماشين تذكر أنه نسي أوراق مهمه بالسياره حط الشنطه بالأرض وحط جواله عليها وأوراق كانت معه وكان فيه رش مطر موقوي أخذت أنا الجوال والأوراق وحطيتها بشنطتي اللي بيدي ....وهذا أنا انتظر الا جاء جاء الرجال اللي أول يقول نزلوا الحريم...
وقالنا أشبكوا واقفين ليه ماتمشوا السيل جاي بسرعه....قلت أستنى زوجي أخذ الشنطه وقال أمشوا قدامي والحين يجي ومشينا وأنا عيني على زوجي وجاء زوجي ....
حنا الحين تدورون على وين ماشين ...يبغوا العالم تنط سور الجامعه والمويا كل مالها تزيد ياربي وشلون بنط السور"المهم اخت زوجي أخوها رفعها وسحبها واحد كان فوق السور وراحت للجهه الثانيه..جاء وقلي يالله أنتي رفعني ع السور وقال يالله نطي وأنا بلاقيك من الجهه الثانيه.....
قلتله طيب خلاص هذا انا بنط الا الجدار اللي أنا عليه قام يهتز...يالله خلاص ماقدرت حيل ماعاد فيني حاولت وحاولت اطلع من جديد ماقدرت....آآآآآآآآه ساعتها حسيت خلاص مافيه أمل زوجي ع باله أني نزلت ع الجهه الثانيه واللي خلاه يتأكد شاف أخته من الحريم رايحه(بنت عمي زي ماقلت لكم كانت مفجوعه مررررره وودها بالفرار باي طريقه ماتنلام من اللي شفناه)فقال اكيد اني معها جري وراها صار ينادي وينادي ولاحياة لمن تنادي الين قدر يوصلهاومسكها وين ميشو قالت ماأدري قال ماشفتيها قالت لا قالها زوجي
أجلسي هنا ألين أجيك برجع أدورها.....رجع زوجي الأيسمع صوت من وراه الأهورجل أمن قاله أرجع ماتروح قال برجع أدور زوجتي ....قال أرجع مايمديك قال زوجي وزوجتي قاله الله يعوض عليك...
وهذا هم يتجادلون ارجع وماترجع,,,,الأجزء من السور ينهد وجاي السيل معه وبلحظته كلهم فروا ونجوا بأنفسهم......
أنا بعد ماعجزت عن الطلوع سمعت رجال يقول فتحوا جزء من السور قدام روحوا....نزلت وأنا أجري ادور هاالمخرج...ولقيته وكانوا رجال متجمعين جوا السور وبرا السور ويساعدون الحريم والأطفال انهم يجتازوا السور وعديته الحمدالله.مشيت لقيت السيل داخل السور ماشي بس موبالصوره اللي تتخيلوها أنه نغرق فيه لأن السيل كان بجهه ثانيه أقوى,,,,,,,
مشيت لقيت نفسي ماني قادره أعدي من المويا امشي فيها بس لقيت منطقه منخفضه والمويا تدفع بقوه جلست افكر وشلون اعدي..الأيقطع تفكيري صوت واحد قالي أشبك واقفه منتي قادره تعدي....
مسك يدي يقوه وقلي بسرعه امشي والحمدالله عديت...(ذاك الرجال اللي يسعده ويهنيه بحياته وين ماكان)
كملت طريقي الاالجوال يدق أطلعه من الشنطه الازوجي يدق من جوال أخته...رفعت الخط وجلست أبكي انت وينك ليه رحت وخليتني ليش تركتني<<<<<<وقتك تعاتبين ههههه>>>>>>>>
قالي انا ماتركتك ليش نزلتي وين رحتي أهم شي دخلتي جوا السور قلت ايوا.
المهم اناماقدرنا نوصل لبعض السيل كان بينا......
وبنت عمي ياقلبي عليه كانت مقطعه نفسها من البكاء تقول اتذكر كلامك وأبكي تدورن أيش كنت أقول واحنا بالسياره قبل نسافر من المدينه(كنت أقولها اذا مت بالحج ومارجعت لولدي تعطونه امي تربيه وانتي تراك شاهده ع كلامي)طبعا كلام كثير قلناه بس هاذي الخلاصه,,,,,,,
أما انا مشيت مع الناس الماشيه وماني عارفه ايش راح يصير...وصلنا المجمع السكني لدكاترة الجامعه نزلت وحده من السكان وقالت ايش صاير وكيف دخلتوا هنا وقلنا لها أنا ووحده معي وماصدقت بالبدايه المهم طلبت منها الحرمه اللي معاي توصلنا للبوابه الشرقيه كلمني زوجي وقال حلو حنا هناك تعالي...واخذتنا بس المفاجئه المويا وصلت لحد السيارات الصغيره ماتمشي فيها تعذرت منا وقالت نكمل مشي رحنا ووصلنا البوابه آآآآآآآآه لقينا المويا طامره البوابه وماشيه يعني لااحد يخرج ولااحد يدخل الحرمه اللي معي جلست تبكي وتقول كله مني انا قلت لزوجي يوديني اهلي طبعا زوجها موجود معنا بس كان ماله حس مدري ليه وانا اللي لحالي ومامعي احد يصبرني جلست اهديها واقول ان شاءالله خير راحو من عندنا وجلسوا عند مسجد السكن وجلست انا مع الحرمه وشلون بتصرف وش بسوي ماادري؟؟؟
قالتلي الحرمه اللي عرفت بعدين أن أسمها( أم عبدالرحمن)لاتخافين ماراح اتركك الين ماأسلمك لزوجك آآآآآه ياربي بجد حسيت اني ضايعه وبنفس الوقت خايفه ناس مااعرفهم والليل قريب والكهرباء انقطعت عن السكن كلمني زوجي قلي روحي معها لاتجلسين برا توكلت ع ربي ورحت معها بيتها توضيت وصليت الظهر والعصر جمع تقديم وجلست انتظر وش راح يصير ......لماكنت انا مع ام عبدالرحمن برا دق جوال زوجي اطالع بالجوال الاهو عمي ترددت ارد خفت انه ينفجع بس رديت سلم واستغرب اني رديت وين فلان قلت احنا فرقنا السيل ياعمي ...وجلس يهدي فيني ويقول أن شاءالله الامرسهل طلع من غرفته وياقلبي عليه كان ساعتها داخل بينام بعدالظهر...قفلت من عمي الايدق ولدعمي الكبير يرضوا استغرب اني رديت وش صاير علمته قالي أن شاءالله خير وقفل....واعلنت الطورائ ببيت عمي بالمدينه وكل واحد من عيال عمي يدق ع اصحابه ومعارفه اللي بجده يبغوهم يوصلوا لنا باي طريقه.....عمي دق ع اخوه بجده(توفى بشهر7الله يرحمه ويغفرله )اخوعمي من امه"
برضوا اخوعمي شال همنا ويفكر كيف يوصل لنا وولده معه الحين جده معفوسه فوق تحت والوصول للاماكن اللي طمرها السيل صعب والسيارات الصغيره مستحيل تمشي مع المويا.
نرجع لبيت ام عبدالرحمن اللي انا عندها صراحه كانت( انسانه ذوق ربي يسعدها ويحفظ لها عيالها هي لبنانيه متزوجه دكتور سعودي وبنتها دكتوره بمستشفى جامعة الملك عبدالعزيز ولها بنت ثانيه مسافره برا وعندها ولدين ماراح انسى جميلها طول عمري اخذت رقمها وكلمتها كذا مره لكن للاسف انمسح الرقم من عندي فاللي تقرا قصتي وتعرفها توصلها سلامي الحاااااااااااااااااااااااااار )
كانت صايمه ذاك اليوم أذن المغرب وجابت فطورها وأصرت اني أكل معها لكن مالي نفس وهي مصره فاكلت عشانها وماني حاسه للاكل طعم من الهم ...دق علي زوجي وقال ان ولد عمه جاي مع واحد وراح ياخذونا زوجي واخته كانوا بالمستشفى ,,,,,,يالله حسيت الوقت يمشي ببطئ وكانه يقهرني انتظر زوجي ع احرمن الجمر دق علي وقال دخلنا السكن وااااااااااااااااااااااااااااا اااااااو يابنات خلاص ماقدرت امسك نفسي وجلست دموعي تنزل وجمسي يرجف واحاول امسك نفسي ماني قادره((الحين ماسكه نفسك طول اليوم ومسويه قويه وتصبرين الناس ويوم زوجك واخته قربت جيتهم جلستي تبكين هههههه))
وكل ماشفت ضوء سياره قلت هذا هوالين وصل ونزلت ونزلت معي ام عبدالرحمن الله يسعدها وشكرها زوجي ودعالها ومشينا وانا مو مصدقه كان نفسي اخذهم بالاحضان بس عيب كان معنا رجال ههههههه احنا تفرقنا الظهر وماتجمعنا الابعدالعشاء......
وصلنا بيت عم زوجي واستقبلونا الله يسعدهم غيرنا وأتوضينا وصلينا وتعشينا وبدت الأتصالات من كل حدب وصوب ههههههه وصار الحديث وسيد الموقف هل نكمل طريقنا للحج اولا طبعا سيارتنا تركناه بذاك المكان انا عن نفسي قلت ماابي اكمل ابي ارجع وخاصة انا قلنا دعاء الحبس وبنت عمي تبي تكمل وعم زوجي يقول مافي روحه وخاصة انه ذيك الليله اتقفل خط جده مكه بالأخير رسينا ع انه نكمل حجنا نمنا وصحينا الفجر وع موقف السيارات ناخذ سياره لمكه ويالله ع الدمار اللي شفناه يعور القلب صراحه وتوكلنا ع مكه وصلنا وع طول ع عرفه نبي نلحق قبل الغروب نزلنا ع بداية طريق عرفه مالقينا سياره توصلنا وهاتك يامشي الين وصلنا ع نهاية الخطبه خساااااااره مالحقنا وتوجهنا للمخيم وكملنا مناسكنا الحمدالله وكل شي تيسر بعد الموقف اللي عشناااااااااه وهاذي حكايتنا مع سيول جده الله يرحم من مات فيها ويجبر بقلوب اهاليهم ,,,,,,
############################## #############################



<<<<<<<<<<<<<مشـــاهــــــــــ ــــــــــــــــــــــــــــدا ت>>>>>>>>>>>>>>
1/كانوا فيه بنات ماشين ويبكوا ويدورا ع اهلهم وفجاه شافوا اخوهم وطاروا عليه ياقلبي عليهم وهم يسالوه عن ابوهم وامهم وهويقول ماادري ماادري..
2/رجال ماشي وهوحاضن رضيع باين انه توه شهر شهرين وجالس يطالع بالناس ونظراته تقول فاقد شي..
3/صراخ وبكاء فكل مكان امره...
4/اطفال صغار يبكوا وبنت صغيره تمشي قدامي وتقول يااااااربي سامحني يارب احفظ بابا وماما وتكررها ..
5/بعض السكان رفضوا انهم يساعدوا الناس اللي دخلت المجمع السكني واللي بينهم أطفال..
6/طائرات الدفاع المدني ماتواجدت بالمكان الابعد مرور ساعتين ع الاقل السيل كان اذان الظهر وشفناها بالسماء قريب العصر,,,,,
7/الشي اللي قاهرني من جد السيل اللي لقيناه بطريق مكه وقافلين الخط عشانه هو نفسه السيل اللي داهم جده لان السيول اللي طمرت جده سيول منقوله يعني جايه من مكه والطايف ومدن الجنوب لان الامطار كانت بشكل متواصل ذيك الفتره ومعقول ان الأرصاد مانتبهت له الشي وحذرت المواطنين بجده من هالسيول المنقوله....طيب نقول ماانتبهوا"""""ولما وصل السيل الطريق السريع وطمره وكمل طريقه مااتنبؤا انه هالسيل بيوصل لاماكن بطريقه ويغرقها....
*صباح يوم عرفه راح ولدعم زوجي لنفس المكان اللي فيه السياره ولقاها كنت ع وشك الكنس هههههه بس لحق عليها مع وجود أضرار بالسياره بس مومثل ماكنا نتوقع الحمدالله......
<<<<<مـــواقفنا بعــــــــــــــــد مااتجمعنا>>>>>>>
*صابنا ضحك هستيري انا وبنت عمي واحنا ع وشك النوم ليش مدري هههههههههههه
*تقولي بنت عمي انه وقت الفجعه كانت راميه الغطاء عن وجهها وأخوها يغطيها وهي تشيل الغطاء وهويغطي وهي تشيل صاروا توم وجيري هههههههههه انا أحسن منها مارميت غطاي خخخخخخخ
*كانت ماسكه الاحذيه وانتوا بكرامه بيدها وهي ماشيه وقت الهروب من السيل مرتهم سياره ركبوا فيها ورمت الاحذيه طيب ليه رميتها ماتدري هههههههه
*بنت عمي لمازوجي رفعها للسور الرجال يمد يديه لها وهي خايفه ياحرام ويقولها لاتخافي لاتخافي أنا بصراحه أتذكرت أنشودة لاتخافي لاتخافي نحنا أبطال المطافي ههههههههه
*فليله من ليالي منى رجعت لنا حالة الضحك الهستيري ههههههه ونحاول نسكت منا قادرين ....
*كان الحج روعه بمعنى الكلمه وربي يسر لنا امورنا وتمنينا انروح هالسنه....
############################## ###########################
الشي المهم اللي أبي اقولها انه قبل مانسافر الحج أتجمعنا أنا وخواتي وبنت عمي فبيت أهلي الاتقولنا أمي جارتنا ام فلان وهي أرمله أسحبت فلوس الضمان وأنسرقت ولاقضت لعيالها لبس العيد وقمنا جمعنا مبلغ وقدره صدقه لوجه الله وودتها أمي لها من ساعتها .....شفتوا كيف فضل الصدقه اللهم لك الحمد والشكر كما ينبغي لجلال وجهك وعظيم سلطانك.......
############################## ##############################

هذا المقطع لنفس المكان اللي كنا فيه ودققوا بالناس جنب سور الجامعه وربي كذا كانت حالتنا بصراحه تعبت وأنا ادور بالنت ع مقطع يوصف كلامي والحمدالله لقيته,,,,,,,,,<