موضوع: مكيفنــــــــــــــــــا ؟ الثلاثاء مارس 20, 2012 2:32 pm
سلام عليكم كيفكم ياأعضاء منتدانا الحلوين اليوم حبايبي راح أقول لكم قصتنا إحنا وخالتي مع مكيفنا خالتي مره نامت عندنا ومعها عيالها وكنت انا وخواتي الثنتين الأصغر مني ننام بغرفه وحده ونامت خالتي وعيالها معنا بعد ماوسعنا لها ومكيفنا كان من قوة التبريديثلج بنص الليل وكان سريري تحته وأصحى إذا حسيت بحراره أو بدا الثلج يتكسر لأني إذا ماطفيته راح يزعجنا وأحيان يبخ الثلج علينا المهم نومت خالتي عيالها عشان نسمر مع بعض طبعا سمرتنا كل في فراشه ونسولف المهم على الساعه ثنتين ونص قالت خالتي تصبحون على خير وسكتنا كلنا نبي ننام وتونا بدينا نغط إلا الصوت القوي اللي طلع من المكيف وصار يطير منه قطع على خالتي وعيالها وخواتي وصار الثلج يضرب في أسرتهم ويطلع صوت مخيف نطيت أركض انا وخواتي للباب وطلعنا للصاله إلا أمي راجعه من الحوش مطفيه الطبلون يوم انتبهنا اول من طلع للصاله خالتي وخلت عيالها نايمين وصرنا نضحك عليها ونقول هملتي عيالك قالت أكذب هم طيور ولا أنا علي ذنوب وطفينا المكيف عشان نرجع الكهرباء وشلينا فرشنا وعيال خالتي ونمنا في مجلس الحريم الغريب إنه على قوة الصوت وصراخنا عيال خالتي ماقاموا خخخخخخخخخطالعين لأبوهم نومه ثقيل لاتقولون وش دراك عرفت لأنه عمي وأنا اللي كنت أصحيه يعذبني لين يصحى
موضوع: مكيفنــــــــــــــــــا ؟ 
